شرح رياضيات للصف الرابع (عام)

تفضلوا:
لكل من لا يعلم كيفيةالكسور اوالأعداد العشرية

مثلا اذا عطوج ... 5 على 10 = ــــــ على 2
شوفي على طول نطالع المقام لانه هو اللي موجود بالطرفين ... الكسر الاول مقامه 10 والكسر الثاني مقامه 2
العدد نقص والا زاد ... طبعا نقص ... اذا العمليه وانتي مغمضه تكون قسمه ...
(النقصان يعني قسمه والزياده يعني ضرب )
زين شنو العدد اللي اقسم العشره عليه ويطلع الجواب 2
شوفي بجدول 10 ..... طبعا 10 ÷ 5 = 2
اذن مثل ما قسمنا المقام على 5 نقسم البسط على 5
5 ÷ 5 = 1
اذن بالفراغ راح نكتب 1

عرفتي.. هذا اذا كان كاتب كسر والثاني المكافئ له بسطه او مقامه مو موجود ...

اما اذا عطاج ... كسرين وتأكدي اذا متكافئين او لا ...
مثلا 3 على 4 ـــــ 6 على 12
فيه طريقتين ... الطريقه المعتمده والرسميه
انج تشوفين المقامات ... طبعا مختلفه ...
توحدين المقام ...
اشوف المقام الكبير اللي هو 12 ... هل هو من مضاعفات المقام الصغير 4 ..
ايه نعم من مضاعفاته ... كم اضرب وتصير 4 = 12 ... نضرب في 3
مثل ما ضربتي المقام بــ3 ... نضرب البسط بــ3
البسط كان 3 ... اضربيه ب3 راح يساوي 9
والمقام 4 نضربه ب3 راح يساوي 12
اشرايج الحين ... طلعوا الكسرين متساوين والا لا ... لا طبعا ... اذن الكسران غير متكافئان ..

وبنفس الطريقه جاوبي على 2 على 4 ــــ 4 على 8
راح تلقينهم متكافئين ...

اما الطريقه الملتويه يعني المفروض مانعلمها للطلبه عشان يعرفون سالفه توحيد المقام ...
انج تضربين بسط الاول بمقام الثاني ... وبسط الثاني بمقام الاول ...
اذا طلعوا النواتج متساويه يعني الكسران متكافئان ...

مثل ... 2 على 4 ـــــ 4 على 8
اضرب 2 ×8 = 16
وبسط الثاني × مقام الاول ... 4 × 4 = 16 اذن الكسران متكافئان ...